Kjære gut, 14.

Amfetamin har mange skadeverknader på kroppen. Dei viktigaste er på hjarte og blodkar. Amfetamin kan gjere at hjartet slår ujamnt, det kan til og med føre til at hjartet stoggar.
Dessutan kan det setje seg blodproppar i dei små pulsårene i hjernen; då kan ein bli lam i armer eller bein. Amfetamin kan også gjere at det går hol på pulsårene; då får ein hjerneblødningar.
Høgt blodtrykk og hjarteinfarkt ser vi óg i samband med amfetaminbruk.

Dei som bruker sprøyter når dei ruser seg på amfetamin, kan få stygge sår og dei kan bli smitta med HIV og hepatitt A, B eller C. Dei som sniffar amfetamin kan få hol i naseskiljeveggen.

Mange amfetaminbrukarar øydelegg tennene sine heilt ned i 25-30 årsalder.
Det er vanleg med kløe i huden.
Vekta går ofte ned fordi ein ikke et skikkelig når ein er på amfetaminrus.

Amfetaminbrukarar har ofte depresjonar, og dei kan óg få alvorlege sinnslidingar. Nokre få pasientar kan vere plaga i årevis etter at dei har slutta med stoffet.

Her er ei lenke til meir fakta om amfetamin frå Folkehelseinstituttet.
 

Med helsing

Dagfinn Haarr

spesialist i allmennmedisin og samfunnsmedisin