Kjære deg!
 
Det siste spørsmålet ditt kan eg ikkje svare på, det får du spørje dei vaksne om sjølv. Eg for min del ynskjer å gi korrekt informasjon når eg held førelesingar og kåseri både til vaksne og ungdomar. 

Det fyrste spørsmålet ditt er interessant å diskutere. Det er jo slik at mest alle dei stoffa vi rekner som narkotiske, i tillegg vert nytta som medikament. Morfin og andre opioidar er både essensielle medikament og ettertrakta illegale stoff, cannabis finst og som medikament no, og amfetaminliknande stoff som Ritalin er nyttige medikament for dei som har ADHD.
Føresetnaden er at desse medikamenta (som alle andre medikament, også Paracet eller penicillin) vert nytta slik dei skal. Når til dømes Ritalin kjem på avvege, eller morfin vert omsett på den illegale marknaden, er det ikkje lovleg å bruke dei.
Desse stoffa kan ha store skadeverknader (biverknader), og det er viktig at bruken er kontrollert og forsvarleg. Vi vil vel ikkje ta medisinar mot sjukdomar vi ikkje har?

Med hilsen

Dagfinn Haarr
Spesialist i allmennmedisin og samfunnsmedisin
kommuneoverlege